12點，又係Lunch Time時候。Mean娜最鍾意喺人哋食緊飯嘅時候，講埋晒啲核突嘢。嗱嗱嗱，唔好以為我咁小學雞，講埋晒啲屎屎尿尿，姐我層次好高，今次同你講嘅，係一個果汁的故事。

大家一定有飲過橙汁，一般而言，橙汁都係呈現鮮艷的橙色，味道酸酸甜甜，不論係鮮榨定溝出嚟的橙汁，起碼過期前都會係類似下圖呢個樣。

之但係，過期橙汁又會變成點呢？講緊嘅唔係過期幾日、幾星期、幾個月，而係35年。係咪，足足過期35年呀！！！！

日本網站news.merumo就有人搵到支35年前的果汁，搵到之後竟然唔係扔咗佢，而係想試飲一下，35年前的果汁味道係如何……