好多男仔同女仔傳訊息（包括Whatsapp、Line、Wechat等等），都經常遇到「已讀不回」嘅情況，呢個時候，10個男仔9個賴，賴啲乜？咪就係賴條女港女又串咀，睇完Message唔應機囉！Come on James！呢啲係Loser嘅諗法，真正成功嘅男士，唔係得個賴字。如果條條女睇完你嘅Message都唔覆，認真諗諗，會唔會係你嘅溝通技巧出問題，令到人哋膠都費事派畀你先？

日本就有網站請來20-30歲的女性嚟票選，要佢哋選出「不擅與女生相處的男生」傳短訊時的特徵，究竟咩原因無意間令女生唔想回應你呢？睇吓咪知囉～

10位　
所有訊息幾乎都係疑問句　7.2％
又唔係審犯，不停問問問，好難會唔覺得煩。

9位　
回訊息嘅語氣太官腔　8.1％
訊息聊天其實都係想輕輕鬆鬆，如果太官腔會令女生覺得對方冇興趣同自己傾偈。

8位　
話題轉換得好突然　12.2％
明明傾得好地地，又成日冇啦啦轉話題，搞到人跟唔上之餘又會覺得冇癮。

7位　
訊息內容拐彎抹角唔夠直接　 12.6％
其實女仔唔鍾意婆婆媽媽嘅男士，明明想約自己，又要兜咁大個圈，望見都覺得煩。

4位　
唔會主動開話題　13.1％
一味等女生搵話題講，會令女生覺得呢個男仔冇主見，而且好悶，同時都覺得佢會唔會對自己冇興趣，唔想傾呢？

4位（並列）
回復內容捉唔到重點　13.1％
同你講A你答B，同你講B你答C，跟本都傾唔埋，仲點溝通下去？

4位（並列）
好少用Emoji或者Sticker　13.1％
如果成個內容只有文字，就會令人覺得有種距離感，同埋唔太親切。

3位　
單方面連續發送訊息　13.5％
女生會覺得你根本冇考慮到佢嘅感受，只係一味講自己想講嘅嘢，疲勞轟炸對方。

2位　
無意義地延伸對話內容　15.8％
一個冇終點冇營養嘅對話，只會令女生覺得浪費時間。

1位　
不斷傾自己嘅事情　19.8％
其實傾偈就相向嘅，如果你一味傾自己嘅事，唔畀機會對方講下自己嘢，一來對方未必對你好有興趣；二來對方會覺得，其實你對佢都冇興趣吧？繼而唔想再同你講嘢。