做愛唔係淨係得個做字，如果想有一場完美嘅啪啪啪，一定要做足準備功夫，例如要剪指甲啦、除口臭啦等等，不過唔講唔知，原來啪啪啪前仲有好多嘢唔建議做，否則就會影響性愛質素，當中有部分事情仲係大眾以為做左會令啪啪啪好Feel啲添！

外國網站womenshealthmag就列出好幾項「做愛前唔可以做嘅事」，一齊睇下有咩要注意？

飲太多酒
好多人都諗住飲酒可以令啪啪啪時好feel啲，但其實都因人而異，因為酒精好容易影響生理反應，例如令女性變得感覺遲緩，唔易高潮，又或者令男性變得非常，容易早洩。

食辣嘢
刺激性食物除咗容易殘留口氣，仲會令人腹脹、成日放屁，而且仲有可能影響「妹妹」嘅味道，如果你覺得「鮑魚」唔新鮮，不妨留意下關唔關辛辣食物事。

剃毛
部分男士可能好介意另一半私處好多毛髮，會希望佢哋做愛前可以清清佢，但其實除毛過程好容易令肌膚變得敏感，仲有機會留有唔易察覺嘅小傷口，影響啪啪啪質素之餘，仲有可能透過傷口令「妹妹」感染。

用食物調情
為咗增添情趣，有啲情侶會選擇做愛時玩食物，例如搽Cream同醬料喺對方身上舔等等，但其實食物成分都可能令「妹妹」敏感。

用電動牙刷刷牙
雖然用電動牙刷係清潔得徹底啲，但同時比起手動牙刷更容易令牙齦出血，出現口內傷口嘅機會率都較高，所以口交時有較大感染風險。