《賭俠大戰拉斯維加斯》呢套戲教識我兩樣野：第一：一定要識揸棍波車。第二：阻人扑野會比人燒春袋。但原來呢個世界就算你冇阻人扑野，都一樣會比人燒春袋！仲要係你出錢叫人地黎燒添！

近日係大陸按摩店就興起一種所謂的「火療」，要客人全身赤裸躺平在床上，用毛巾覆蓋重要部位，淋上酒精後再點火。此療法聲稱可以醫治上至抑鬱下至不育的各種病患。除左燒春袋，仲有人燒背同燒面，聲稱可以醫黑眼圈喎，都岩嘅，燒到黑哂囉，咪睇唔到啲黑眼圈囉！

至於安全性？火喎？春袋喎？大陸喎？你自己話有幾安全啦？

話時話，我老細話出錢比我上去試……我係咪做錯左啲咩？