十二個世界盃有趣紀錄！（上）

文：MenClub 胡說　　圖：互聯網
POSTED ON 08 Jul 2014

睇埋今晚準決賽，就要等到13號先有波睇。有兩晚空閒點算好？不如重溫吓12個過癮世界盃紀錄，同時緬懷當年西班牙與英格蘭隊嘅綠茵英姿（然後望阿Lulu姐唔會燈死咗德國）。
1.最快入球：2002年土耳其對南韓 2002年，喺土耳其對南韓嘅季軍賽，土耳其球員哈根蘇古（Hakan Sukur）喺開場第11秒射入第一個入球，破咗1962年捷克球員Vaclav Masek16秒、以及82年英格蘭球員白賴仁笠臣（Brian Robson）的27秒紀錄！
2.個人入球紀錄：高路斯&朗拿度高路斯（Miroslav Klose）同大哨朗拿度（Ronaldo），邊個先算係神射手？我就話五五波嘞！截至今年為止，兩個人都喺世界盃歷史之中，少數能有15個入球嘅球員。（高路斯四屆、大哨三屆）不過，但個紀錄，好有機會係今個星期被打破。因為大哨早已掛靴，除非高路斯喺埋單計數時一球不入，否則極可能打破「15球」的舊紀錄，成為新一代世界盃神射手！
3.最多紅牌一屆：2006年德國世界盃堪稱火藥味最重嘅一屆，加埋有28張紅牌，當然唔少得最經典嘅「施丹頭鎚」啦。
4.最大比數賽事：2001年外圍賽 31：0 31比0，真係要點踢先踢得出咁？睇番2001年大洋洲外圍賽，澳洲對美屬薩摩亞嗰場，澳洲狂數對家「31粒」。另一場，由澳洲對東加，22：0，連澳洲隊自己都話：踢來有咩意思。喺呢場波裡面，澳洲球員湯普森一共射入13球⋯⋯!@#$%&
5.最多烏龍球：2002年日韓世界盃當年嘅D組分組賽，美國對葡萄牙各擺一次鳥龍，成為世界盃史上單場最多鳥龍波嘅一場，SHIT!!
6.最年輕入球年齡：17歲最年輕入球年齡嘅紀錄保持者，原來仲喺巴西球王比利！佢第一個世界盃入球，要回數到1958年喺瑞典舉行嘅世界盃，喺巴西對法國嘅準決賽，比利以為巴西射成2：1，比利哥當時都仲未夠18歲仔，真係勁！