香港人冇地方啪啪啪，實係因為土地問題啦！咁點算呀？唔通唔啪呀？唔得啦！男人嘅使命嚟架嘛，出面冇地方啪，咪帶埋條女返屋企啪囉！就算阿爸阿媽家姐細佬喺齊屋企都冇有怕！為咗畀性福……呀，唔係，係幸福自己女人，突破重重難關係應該嘅，更何況只係喺家人背後啪啪啪咁小事呢～

講到背住屋企人靜靜雞喺間房啪啪啪呢回事，相信好多人都體驗過，就算你阿媽夠開放叫你唔使理佢慢慢做，作為一個兒子，都好難可以咁「聽話」毫不尷尬囉！外國就有網站教路，同屋企人住嘅時候有咩做愛小貼士。

事前做足準備

買埋袋呀、藥呀乜乜柒柒就一早準備定，唔好突然先嚟神色可疑咁話落樓買少少嘢，結果買一大堆無關痛癢嘅嘢去掩飾你個袋，最好笑係買完一大堆嘢就咁放喺度冇理過，咁做咩咁急去買先～好可疑呀下小朋友～

保持安靜

最重要係保持安靜，唔好發出任何聲音，嗱嗱嗱～咪以為開大啲音樂去Cover啪啪啪嘅聲就冇事，因為咁只會更加「此地無銀」！

直搗黃龍

雖然前戲好重要，但呢啲緊急關頭最緊要快！快！快！唔好理多！直接嚟啦！

清晨時分做早「操」

通常清晨4、5點都係人瞓得最熟嘅時候，只要唔發出太大嘅聲音，應該唔會有人察覺過黎騷擾你哋。