平時睇咁多愛情動作片，相信大家都熟讀女人身上嘅「弱點」，知道點樣攻擊先會令對方叫聲連連大嗌︰「唔好……停」，而敏感嘅陰蒂絕對係連Hit熱點之一，不過呢個被稱為女人身上最敏感部位嘅小肉粒，除咗特別sensitive之外，原來係乜功能都冇，如果佢係一個小毒毒，佢就會同你講︰「我覺得自己係零。」真係估佢唔到！

外國「性器官大師」Pamela Madsen就寫咗篇文同大家講解，呢粒冇用得嚟又令人好有Feel嘅陰蒂到底有乜玄機。

大約50%-75%試過高潮嘅女性表示，陰蒂要受到刺激先可以達到高潮，單靠做愛就無法得到高潮。

其實陰蒂約10cm咁長，只不過有3/4部分藏喺女性身體入面，只露出某一部分喺體外。

陰蒂都會成長，過咗更年期，陰蒂會比於青少年時期大2.5倍。

陰蒂有超過8000條敏感神經末梢，多過男性龜頭上嘅神經末梢2倍。

陰蒂對繁衍冇任何關係，只係為咗帶畀女性愉悅感覺。

每個人嘅陰蒂大小外型都不同，而女性對於觸碰陰蒂嘅手法愛好都不一，有人鍾意大力啲，有人鍾意細力啲。

陰蒂高潮時會有3-16次收縮，並可以持續10-30秒。