萬聖節除咗一街小丑女之外，仲有一班懶靚懶可愛嘅小天使、小魔鬼、小野貓、小南瓜乜乜乜，包括兒童。係嘅係嘅，小朋友扮咩都咁可愛，但明明萬聖節就係一個恐佈節日，全世界都Q到震，對於喜歡重口味嘅人而言就有啲唔夠味囉，學星爺話齋︰「精神啲！臨時演員都係演員嚟！」就算萬聖節得嗰一日，都入戲啲丫唔該，扮到咁Kawaii你唔好等兒童節先嚟扮？！嗱嗱嗱！呢班小朋友就真係Pro喇，Creepy得嚟又不失Cute味，萬聖節要咁先過癮架嘛！

其實呢啲相係由美國德州攝影師Brit Bentine操刀，佢自己本身非常喜歡哥德式風格以及幻想主義嘅作品，於是決定由自己嘅小朋友著手，開始一系列「恐怖兒童」嘅攝影創作，唔少家長都好Buy佢呢系列作品，希望佢可以幫自己小朋友影返輯咁話。雖然作品中小朋友塊面鬼五馬綠，但Brit Bentine盡可能都唔會幫小朋友化妝，而係用PS營造血腥感覺，所以就算係得1歲人仔，一樣可以安心照影相。

一齊睇下更多Brit Bentine嘅作品，感受返真。萬聖節氣氛啦！