AIA 歐陸嘉年華今日開幕，尋日Mean娜同小雲率先開Live帶大家兜咗一round，今年大家除咗focus機動遊戲同攤位公仔外，唔好忘記望望夾公仔機嘅公仔！因為真心比想像中高質好多！勁多都想夾返屋企！！不過唔少人都覺得夾公仔呢回事無敵搵笨，硬係凝住啲夾鬆到一個點，實冇可能夾得上……Um……由於AIA啲夾公仔機未ready，所以都證實唔到佢啲夾鬆唔鬆，要大家今日親自玩過先知，不過咁，假如佢啲夾係正路的話，為咗增加大家夾到公仔嘅成功率，今日決定Share夾公仔高手嘅心得，助你橫掃AIA嘉年華嘅夾公仔機！ 

高手過招，想易啲夾中公仔，就要識得睇佢嘅「重心」，只要用個爪固定住佢嘅重心，就會易啲夾得上！（不過以下教學只限於三腳爪）

就好似以下嘅公仔，虛線位就係公仔重心，通常夾住較圓較易施力嘅位都冇死。如果有啲公仔冇呢個重心位，不妨試試可以kick實個爪嘅位，望多幾張圖參考下啦～