「我未認真啫！」
真正認真做事嘅人喺你講呢句說話前已經努力耕耘，通常講得呢句說話嘅，都真係得個講字，事事3分鐘熱度，實際上就算有能力，都會因為懶而Hea做，又點會成功。

「我唔想做嘢……」
成日呻唔想做嘅人好明顯就冇上進心，只係想得過且過咁過活，唔單只難以成功，仲會將呢種負能量傳染埋同事，搞到成村人都唔鬼想做。

「我唔得喇……冇辦法啦……」
好多時輕易認輸嘅人都冇辦法做大事，反而真正能幹嘅人，唔會容易表現出負面情緒，就算遇到困難又好、幾辛苦都好，都會默默做落去，唔會浪費時間係咁呻。

「好呀～好呀～好呀～」
「好好」先生乜都有求必應，做同事確係唔錯，但係有時畀人食住上，自己又唔識拒絕，結果工作上應付唔嚟，好多事情都會弄巧反拙。

「好似我啲咁嘅人……」
做人最忌自卑兼且冇自信，連自己都睇唔起自己，又邊會有動力發奮向上？