作為一個平凡嘅打工仔，喺職場上真係危機四伏，一個唔好彩，就有機會同時面對pk同事、廢柴上司、無腦下屬blah blah blah blah，但相信每一個打工仔最大嘅敵人都係︰李 老 闆！（梳，係「你」老闆至真！）

你話好似MenClub呢啲絕世好工由上至下由左至右啲人事關係都咁和樂融融就話啫！但其他公司大把seafood鬼腦細，都令打工仔恨之入骨，個腦細一出聲就巴不得想捏死佢咁！不過～「鬼叫你窮呀頂硬上啦！」基於腦細仲要出糧畀你，所以大家都只能FF如何殺死腦細，動腦不動手。而日本就有網民搵到一本10年前出版、由Graham Roumieu所畫嘅畫冊《101 ways to kill your boss》，表示雖然佢嗰101 ways白痴又on9，但對打工仔而言，卻有種說不出嘅治癒感～