喺呢個一街都係電腦、一天都係飛機、連999人仔一部嘅電話都拍到高清片嘅年代，只要你有些少賣點，係人都可以喺網上面呃返三、五、七十個Like。若然你個人嘅外表有啲顯然易見嘅特點，就更加係事半功倍添！但既然45個Likes同Share唔可以「買」到個攝影師幫你個派對影相，咁就算有幾多Likes都係唔可以拎黎當飯食。所以好多人都視網絡世界為一個踏腳石，累積咗一定人氣之後就會正式出道成為藝人搵真銀。

當兩年前文青見到「明禎」嘅時候，我都以為佢會跟住呢條王道主線加入演藝界－－佢又靚，出身又好、又識彈琴又盛(延伸閱讀)，短時間內又喺大中華圈累積咗一大班Fans，根本佢當時就應該要出道！之但係佢冇。我等咗足足兩年佢都冇！直到今個夏天，佢先正式去到台灣出道！你知唔知人哋等咗你好耐架？點解你要咁對我？唔通靚女就可以奉旨遲到嘅呢咩家下？

「(當時)覺得還蠻突然的，一切都很奇妙。」

「其實我完全就沒有想過要進入這一行，之前的工作完全跟音樂、唱歌跳舞是沒有關係的。但是自己在小小的時候就很喜歡音樂，自己會在家裏自修鋼琴，鋼琴就是我唯一的消遣和娛樂。加上以前是個工作狂，如果有壓力的時候就會玩音樂來舒解壓力。後來之所以會突然進入這一行，是因為出身自馬來西亞的女歌手「宇珩」(現製作人)在網路上看到我的照片，於是就聯絡我。她跟我分享了很多關於音樂的想法、對我未來的規劃，我就覺得說也是一個很好的機會去嘗試、學習，所以今年三月就正式開始我的音樂之路。」

有冇覺得有啲奇怪？點解一個青春可愛嘅女新人，竟然會講出「以前是個工作狂」呢啲「有過去的女人」先講得出嘅對白？原來根據資料，明禎係1989年出世，即係已經踏入二十歲後半期，難怪佢講嘢硬係有股老成持重係到……

「我在十多歲…比較小的時候就已經出來打工了。然後在十七、八歲的時候就選修了美容科，然後就在美容業打滾了很多年,之後就自己出來經營小小的店面。到去年生意比較穩定的時候我就想說來一點不一樣的嘗試，所以開始找學校、報了名，想要完成以前沒有讀到大學的遺憾。可這就是緣份吧？就遇到現在這家公司，他們也很有誠意的跟我談了很多，也邀請我跟我媽媽到台灣試音。所以我就暫時選擇了這條路。」

如果話上面呢段疑似係某個美容業女強人創業心得嘅發言，會令你覺得明禎同你想像中有啲出入，咁佢腰間嗰六舊已經不能夠叫做「若隱若現」嘅腹肌，就係證明佢已經唔再係當初大家喺網上見到嗰個青靚白淨再加些少baby fat嘅小妹妹。

「其實我本來是個很虛弱、瘦弱的人。我剛剛有說我是比較工作狂、每天都在工作，然後在去年的時候身體健康狀況突然出了問題，然後就一直生病，做不了事情。我就跟我自己說不能這樣子，我一定要回到以前健康的體態，才能做我想做的事情，所以才開始運動。一開始運動的時候因為有排汗,所以覺得整個人很精神、氣色也變好、不容易累；再過了一兩個禮拜，我就突然發現腹部線條變得比較結實、開始有腹肌。我就說『嘩！有腹肌的女生很性感耶』，所以就開始往這個方向努力。」

做運動咁叻、又鍾意音樂，你可能以為明禎會係一個唱跳高手。但原來佢係有「肢體協調障礙」(份新聞稿咁寫架！唔係我作架下！)，一開始跳舞係會同手同腳，所以花咗好多時間練習今次新歌嘅舞蹈。

「對我來說完全就是像回到嬰兒的時候，完全就是從零開始重新開始，一切都是新的挑戰新的嘗試。但是因為我自己本身熱愛(音樂)，我覺得只要我喜歡的東西就會有那個熱情、動力一直想要去做、去進步。那到目前為止還是…雖然過程都很冒險，但我還是很enjoy的。」

哎唷，不錯喔？自己講出新歌《冒險愉快》嘅關鍵字喎！慳返我好多功夫喎！

「公司覺得說，我要在很短的時間把我所有的學習成果呈現給大家，所以就把第一個作品訂名為《冒險愉快》好了。就是很冒險，可以過程卻很快樂的。(那你真的快樂嗎?)是有一點累的，但整個過程還是很享受的。」

咁喺感情上面你又有冇諗過要冒險？例如做做下訪問同訪問緊你嗰個打個車輪之類－－咳嗯我準備好架啦。

「我第二首歌《不佔有》也是他們為我量身打造的歌曲。是說一個女生從很遠的地方來到新的環境，嘗試不同新的挑戰、認識新的朋友。因為我是非常注重工作的人，所以來到這裏我也會把所有的重心先放在工作上。感情方面的話就先不想去佔有，所以才會有這首歌。」

唔…簡單啲講就即係「我目前專心發展事業唔拍拖」嘅偶像標準答案啦？咁你係咪真係冇拍拖先？

「目前完全沒有這個時間。」

呀我明知你會比呢個標準答案我，點解仲要問呢我真係…咁呀如果要搵一個男朋友嘅話，佢又會係咩人呀？

「他應該就是…健康、正能量的吧？就是他分享的東西都是正能量的、正面的。然後…喜歡運動！然後愛吃！可是要有腹肌(笑)！然後可以教會我很多東西的，就是知道的東西一定要比我多。」

\

後記：

文青承認，在整個訪問過程中，我大概只有0.5隻眼係望住她塊面，另外嗰1.5隻眼係長期徘徊喺佢嗰六塊腹肌附近。再準確啲，係其中一隻眼望住佢啲腹肌、半隻眼其實係想望高啲啲，但係又怕醜唔敢望所以處於「射喱」狀態－－咁你唔怪得我呀！大家男人你應該好明白架！事實上就連報章雜誌介紹明禎嘅時候，或多或少都要提到佢嘅身材，加上咩「童顏巨乳」、「真人娜美」諸如此類嘅稱號，佢本人，又介唔介意？

「其實大家都給我很多很漂亮的名稱，我覺得這都是一種讚美。像人家說你是真人版娜美，其實不是真的覺得你像她，而是在稱讚你身材好。所以我自己都蠻開心的，很謝謝大家這麼多漂亮的稱號。」

唔介意就好啦，我嗰半隻眼，真係「射哩」射到射出黎啦！

化妝：Jonathan Li @ MOD Makeup Academy

化妝助理：Kayo Wang , K Tang @MOD Makeup Academy

髪型： Jacky Leung @ ILCOLPO

服裝：adidas