又到年尾，又係時候同大家回顧一下過去一年所發生嘅大事。社會上嘅「政經大事」，有大台為大家效勞。咁我哋MenClub呢啲又Cheap又低俗又唔可以喺地鐵睇嘅就當然係同大家回顧啲同樣又Cheap又低俗又唔可以喺地鐵睇嘅嘢啦！所以大家遮好個Mon未？睇清楚企你側邊個人有冇偷望你未？OK嘅話，我哋一連三日嘅「年度AV回顧系列」就開始架啦！

第一集，首先要同大家回懷緬一下今年引退嘅AV女優。所謂花無百日紅，喺AV界呢個名乎其實出賣身體嘅行業之中，AV女優嘅職業生涯素來唔會好長，亦唔會有AV女優跳出黎話想做一生一世(就算佢真係做到一生一世，到後期你都唔會有興趣睇呀係咪？)，所以引退，係必然嘅事。但2015年之所以特別令人感慨，係因為今年引退嘅女優，基本上就係陪伴住八十後長大嘅一群，RIO、上原亞衣、美雪ありす、希志あいの甚至到本田莉子、瑠川リナ，每一個都係赫赫有名、每一個都係值得喺你個D Drive之中擁有一個獨立嘅資料夾。佢哋嘅引退，代表住一個時代的終結。所以，就讓我們以感激之心，懷念一下呢班陪我哋渡過每一個夜嘅AV女優。

RIO (最終作：Rio FINAL デビュー10周年・そして引退 MIRACLE COMPLETE 48時間BOX(idbd692)，發售日期：2016年1月19日)

由「柚木チィナ」到「RIO」、由「MAX-A」到「ideapocket」，RIO係目前AV界中少數資歷滿十年嘅女優－－現役女優中只有吉沢明步同西野翔兩位大前輩比佢長。同期的亦只有同樣於今年被「消滅」的二宮沙樹。

圖片：DMM

美雪ありす (最終作：ありのまま 美雪ありす完全引退 (ipz684)，發售日期：2016年1月1日)

五年前於Alice Japan中以「北海道模特兒」之名出道，美雪ありす就憑住模特兒級嘅樣貌、模特兒級嘅身高、加上模特兒級嘅美腿成為AV界嘅美女代表。不過，作為粉絲嘅你就唔需要太為佢引退之後嘅生活而擔心，因為佢嘅男友乃係日本資深偶像團體「V6」中嘅成員森田剛，而好多人都猜測美雪引退其實係為結婚而鋪路。咁都算係完滿結局呀？

上原亞衣 (最終作發售日期：2016年4月)

嚴格上上原亞衣就未正式引退嘅，不過見佢喺今年宣佈有關消息，文青就將佢放埋入黎2015年嘅回顧入面。作為當紅單體女優，上原亞衣每個月都會出N隻作品，距離出年四月仲有一整季時間，大家可以慢慢收藏。

有村千佳　(最終作：???)

相比起其他女優，有村千佳嘅「引退」可能係最令人擔心嘅－－因為佢係以嚴重健康問題為由而「放大假」。之前都有講過佢患上可以引起嚴重器官衰竭甚至死亡嘅「急性腎盂腎炎」，於是喺5月頭見面會後全面停工休養。但同樣作為拍片量極多嘅單體女優，有村千佳嘅身影仍然出現於多部合集片中，所以根本分唔清邊部先係最終作。又或者正面啲咁諗，等佢好返之後，可能都仲有機會出黎繼續拍片嘅。

二宮沙樹 (最終作: ???)

如果話有村千佳係「壯志未酬」，二宮沙樹就可以話係「不得善終」。因為佢嘅引退並非公開宣佈，而是暗地裏進行－－久無新作、缺席活動、Twitter關閉、部落格清空，就連「劍大」去信經紀公司查問都只得「歸期未定」，可見呢位咁多年黎(2004年出道)只係憑著一件學生服就能屹立於AV界嘅「永遠的高中生」應該係「突然死亡」，仲係突然到連出多隻「引退作」再撈一筆嘅機會都冇。可惜呀…

さとう遥希　(最終作：新人・さとう遥希デビュー…そして、引退。(hodv21049) 發售日期：2015年3月6日)

唔講，你可能唔記得咗佢。喺白石媽媽出道之前，さとう遥希可以話係AV界最受歡迎嘅肉感女優，可愛嘅樣貌，豐滿嘅身材再加出色技術，令佢喺2013年得到日本「成人放送大賞」嘅女優賞最高殊榮。可惜後來嘅佢越黎越肥，到引退之時更加肥到電單車咁款…反觀白石媽媽已經突破到雙層巴士嘅境界，但銷量依然節節上升…唯有話係同人唔同命啦。

希志あいの (最終作：ありがとう 希志あいの引退SP (ipz667) 發售日期：2015年12月19日)

之前已經有另外出文講懷念希志BB，文青就唔喺呢到重覆啦。唯一想講嘅就係－－我捨不得你～～～～～～夜姨夜～～～～

其實，今年引退嘅女優又豈止上面七人？美少女「瑠川リナ」、頂級新秀「長谷川モニカ」、姉系女優「本田莉子」、年頭推出引退作嘅「橫山美雪」、胸奴一族「橘優花」、「新山らん」，仲有「乃々果花」、「並木優」、「水沢のの」、「長澤えりな」等等等等，都屬於今年引退嘅女優。

但AV界人才輩出，後浪推前浪，黎緊一年又係一番新景象！下一次，等文青同你數數今年出道嘅新人女優！