檸檬

總有個錯覺，以為檸檬一定好多維他命C，因為檸檬最多出現喺同維他命C有關嘅產品，但實情檸檬維他命C，同橙相若，而且男人老狗最怕食檸檬，所以唔好食啦。

菠蘿

菠蘿有78.9 mg/100g嘅維他命C ，睇落唔多，菠蘿另一個最大嘅好處係有酵素，有助消化，降低胃氣（不過唔好食咁多，濕熱呀）。

士多啤梨

港女最愛嘅士多啤梨，其實你都啱食，85mg/100g嘅維他命C同樣唔多，不過細細粒容易食。

奇異果

貴為排毒聖品嘅奇異果，除咗醫痱滋有一手（生痱滋嗰日食3個奇異果，聽日實無咁腫），維他命多達90mg/100g，實情纖維含量同樣豐富，熱量較低，加上含有水果酵素，有助消化，營養價值相當高。留意返近年仲有款黃金奇異果，所含嘅維他命多達130mg/100g，喺水果之中排行頗高。

番石榴

喺眾多生果之中，維他命C所含量最高嘅一種，可以高達 243 mg/100g，同時間又有含較高的維生素A、C、纖維質及磷、鉀、鈣、鎂等微量元素。不過講到番石榴最出名嘅，就應該係佢降血糖嘅功效，糖尿病人少有嘅建議生果。