{ SKIP }
文:MenClub William
POSTED ON 04 Oct 2017
講起出產最靚嘅魚子醬,你可能會諗起俄羅斯,不過講起質量同產量,世界上最大嘅魚子醬供應商已經是——中國製造。雖然講起國貨都會皺皺眉,過期漂白肉、黑心豉油、大頭奶粉等等,一件件「舉世矚目」嘅食安事件,都無阻中國魚子醬征服全世界嘅野心。


我諗你要認識下呢個中國魚子醬品牌——卡露伽Kaluga Queen,來自杭州,又有「天下第一秀水」之稱嘅千島湖,一個國家級生態環境,外資亦引進俄羅斯同伊朗嘅領先技術,造就現今世界「火紅」的魚子醬。


自2006年開始至今,卡露伽Kaluga Queen可說是打入世界領頭位置,至今成為巴黎21間米芝蓮餐廳供應魚子醬,佢地客人仲包括法國名廚Alain Ducasse 、成日孖住Anthony Bourdain嘅法廚Eric Ripert、德國漢莎航空嘅頭等艙,連前美國總統奧巴馬喺2016 G20高峰會所食嘅魚子醬,都出自卡露伽。


俄羅斯同伊朗曾經一度壟斷魚子醬嘅市場,不過後因過度濫捕而導致產量大幅下降,後起如日本、以色列以及中國,就趁這個時間急起正追。卡露伽至今產量達至每年60噸的驚人數字,正式成為世界最大的魚子醬生產商,售賣5種魚子醬,當中一款混合Kaluga同Amur sturgeon嘅Huso Hybrid,一小罐30g 就已經索價$210美金,卻最受歡迎。



雖然連品牌嘅嘅經總理都坦言初初頭三年都極之難sell,中國製造好多質量差參嘅魚子醬,不過佢地嘅出品屬行內最好,所以佢地唔會特意提起生產地點,甚至唔會喺標籤上標明來自中國(反而我唔明點解可以咁)。不過咁,魚子醬不嬲都不屬平民食品,我就唔會有咩機會食到啦。



如果Chef Le Mon自己有餐廳,照計都上到榜啦可?
gourmet
法國 LA LISTE 世界最佳 1000 餐廳排名
13 Dec 2017
老細次次想食扒,唔通都去酒店Steakhouse 咩,以中價扒房黎講,合理有餘啦。
gourmet
扒房Outback再加碼 Black Label Tomahawk斧頭扒登場
12 Dec 2017