話說今年香港鬧「大閘蟹荒」，年年賣到成行成市的內地大閘蟹，中秋都過依然未見影，今年因為批文問題遲遲未能供港，加上早兩日連台灣桃園進口的大閘蟹都驗出有二噁英，當真閘到落埋，結果今年暫時只剩一處的大閘蟹可食，就是北海道石狩川的野生大閘蟹（Mokuzu）。

這間食蟹專門店早著先機，特登引入北海道大閘蟹，大家可能無甚認識，來自日本北海道石狩川，當地政府只發約5個捕捉牌照，以免濫捕，一年只有兩造，今次只供應期到11月頭。

北海道石狩川大閘蟹 （公）$228 / 6両起

若果大家唔想蟹味纏手，仲可以叫師傅幫手拆，拆好再上枱。

黑魚子海膽大閘蟹 $500／份

店主亦有在日常套餐外，增設另一款大閘蟹菜式，名為「黑魚子海膽大閘蟹」（相當直白XD），集鹹香、鮮甜、軟嫩不同之感，份量頗大，建議於一匙貫穿三層，所有鮮味在口中爆發，堅好食。

你亦可外賣買走，外賣盒有齊蟹醋同紫蘇葉，由最貴的7-10両蟹公（約$ 500／隻 ）到4両蟹乸（約$168／雙），必必必必先頂訂！

蟹膳 Kanizen

地址：灣仔譚臣道3號地下

電話：28661618

營業時間：12:00pm - 2:30pm、6:00pm - 10:00pm