作為一個沙田友，你一定會明白區內有幾少地方可以飲杯嘢，尤其是怕噪的我，已絕跡一切大西洋酒吧。去到石門的Courtyard萬怡酒店，30高樓層，背山面河，坐擁豪宅級景觀，夜晚遠眺沙田城門河，我唔係賣緊樓盤廣告，而係介紹飲酒好去處。

LEVELthirty觀景酒廊位於30樓高樓層的Executive Lounge ，原本是客房樓層，經改建後上年尾試驗開放，今年才叫正式回歸食家視線，雖然這個擁有豪宅級高空景觀的Hidden Gem 酒吧，放工來暢飲紅白酒和cocktail等等，兼送夜景來最開心，不過平日亦有商務lunch供應，以酒店級餐飲來說，放心，使費亦唔算貴。

蠔盤有齊澳洲、法國和愛爾蘭三地代表，論大小稍失預期，但望返價錢，合理而公道，以白酒送蠔，隨時添飲再添飲。

最近更加推多兩項優惠：先有星期二晚限定優惠，任食生蠔、焗蠔、炸蠔及任飲紅白酒、氣泡酒，$428/位，以食到法國、愛爾蘭蠔黎講，無限時其實就是抵食抵飲的開端。

星期三四則推出$158兩小時內任食兩款小食（炸春卷及炸雞軟骨）及任飲指定紅白酒，嗜酒客只擔心時間不夠。

單論價錢已經平絕同區，再加上酒店高樓層的景觀，相信未來不難見到爆場情況，各位酒友，早飲早享受，book位亦需襯早。

LEVELthirty觀景酒廊
地址﹕沙田安平街1號沙田萬怡酒店30樓
電話﹕3940 8388
營業時間﹕5:00pm-12:00mn（星期日至四），5:00pm-1:00am（星期五六及假期前夕）

備註：設加一服務費（Last Order 9:00pm）