{ SKIP }

POSTED ON 07 May 2018
當霆鋒屋企的指紋正要改腳紋之際,之前提及過謝霆鋒有份參演的Fox 最新煮食節目《Celebrity Chef - East vs West》剛好播完(Sorry我用咗個「演」字),在廚藝競技中擔任東方代表,力戰西方代表加拿大意廚Chef David Rocco 。一連五集,經歷完澳門、順德、怡保、馬尼拉、吉隆坡五站,最後得勝者係邊個?由於劇本關係,最後一站來到馬來西亞首府吉隆坡,先可以分到勝負,咁先緊湊嘛。

這類廚藝競賽,其實玩法都係講廚師們去到各地,以各地最具代表性的菜式做主題作對決,去到吉隆坡,就以馬來西亞國菜Nasi Lemak椰漿飯同甜品Bubur Cha Cha 摩摩喳喳,要煮出俾40位賓客食嘅晚宴,再者當然唔會照辦煮碗煮,又要兩位加添唔同創意去煮咁囉。

今集客席評審Bobby Chinn,你睇開TLC一知佢係邊個,絕對夠資格做主持。

老實講真係要讚下Chef LeMon,竟然想將傳統肉骨茶的材料,由豬肉改成雞肉,錯,係雞翼,再放在Nasi Lemak旁邊,真係過份地有創意先敢做。
而甜品仲有趣,打算將Bubur Cha Cha 摩摩喳喳各種材料如芋頭、蕃薯、西米、椰奶打碎製作"Pavlova cake",即以蛋白餅Meringue組成的蛋糕,在澳洲相當流行,係咪諗唔到呢?(Don't focus wrongly.) 
齋睇最後一集真係鬥得難分難解(劇本咁寫),最終勝利當然屬於Chef Mon,仲使講。當然成件事好貫徹Chef LeMon無嗰樣整嗰樣嘅風格,人地唔做佢偏要做,人地用雙手做佢用單手做,佢地用手佢用腳.....好彩成套嘢佢都無跳掣.....thanks god。
500歐元食住米芝蓮星級美食睇巴黎景色,幾抵呀!
gourmet
Alain Ducasse主理 嘆星級美食遊塞納河
16 Aug 2018
正如每個人心中都有座斷背山,每個男人心目中都會有間最愛的吧(對毒男們黎講可能係網吧),呢間吧未必有咩特色、未必有咩好飲、甚至連坐都未必好好坐,但你就係鍾意同班朋友三不五時去坐下、傾下計,呢間「吧」唔再係 ...
gourmet
香港都有!死前必到的150間酒吧
10 Aug 2018