不論歐洲亞洲，論精品朱古力受歡迎的程度之高，難怪連西班牙米芝蓮三兄弟 Roca Brothers 之一，當代「世界最佳甜點師」的Jordi Roca，宣佈開設自家朱古力工廠，不過要講大師加持的朱古力品牌，點可以唔提下Le Chocolat Alain Ducasse？

或者去過法國，都會對Le Chocolat Alain Ducasse有印象，話晒都係「九星名廚」之稱的Alain Ducasse 開設自家朱古力品牌，最出名就有品牌多達53款口味的chocolate bar，極嚴謹地根據可可豆的產地製作食譜，無錯，同你飲單品咖啡一模一樣，就係嬴在細緻。品牌出品仲有朱古力水果乾、Ganaches、Pralinés 同Truffles，由廚神親自監工，製作則交俾法國本土的甜點師，全手工製作，所以係好貴lol。

廚神就特別有一提：「可可豆各具個性，每一口都是產地賦予獨一無二的風味，即使我們製作朱古力，也是按可可的特性而製作的。」

而品牌的分店將會首次出現在北倫敦Coal Drops Yard一個新商場，不過會係今年10月，趁英國下年年中先真正脫歐，法國製造的精品朱古力，喺英國買應該未使加好多稅嘅。

www.lechocolat-alainducasse.com