{ SKIP }
文:MenClub Mr.波特  圖:互聯網
POSTED ON 24 Jul 2017


如果要數今年夏天邊支球隊增兵最誇張嘅,相信一定係意甲傳統豪門AC米蘭,呢支曾經稱霸歐洲,但近年因財困戰績倒退嘅球隊,今年5月獲得中國財團入主,令球隊獲得大量資金湧入,目前已經豪花超過1.5億歐元收購左10位球員,成為歐洲今夏洗錢最多嘅球隊。不過,米蘭並無因此而諗住收手,最新嘅消息指佢地已經非常接近簽下多蒙特射手奧巴美揚,而要知道呢位加蓬射手嘅轉會費一啲都唔低呢,所以最終米蘭今夏隨時投入超過2億歐元嘅轉會費。



奧巴美揚其實今夏一直盛傳會離開多蒙特,有指呢射德甲金靴雖然入球能力驚人,但係效力多蒙特卻始於難以獲得冠軍,因為國內擁有拜仁慕尼黑呢支班霸,出到歐洲賽球隊實力亦未能同一眾豪門相提並論,所以難以滿足球員奪冠嘅渴望。因此,奧巴美揚已經拒絕左多蒙特續約嘅要求,睇黎轉會只係遲早嘅事。



呢位28歲射手,近期同米蘭行得好埋,喺拒絕左多蒙特嘅續約要求後,再加上米蘭如今嘅財政實力,相信佢轉個平台加盟一支陣容實力大幅提升嘅球隊亦絕對合情合理,更何況米蘭擁有咁輝煌嘅歷史背景。


另外,其實奧巴美揚對AC米蘭一啲都唔會陌生,因為佢喺2007年加盟米蘭青訓,其後一直效力至2011年,期間多次被外借,但可惜始終無辦法代表球隊一隊上陣。最終2011年奧巴美揚正式轉投法甲球隊聖伊天,然後靠住兩季出色嘅表現被多蒙特相中,最終以1300萬歐元加盟。


目前奧巴美揚一共效力左多蒙特4年,期間一共上陣左189場攻入120球,其中上季上陣46場攻入40球,達到其個人嘅巔峰期。


雖然米蘭今夏簽左好多新人,但係前鋒線其實實力並唔算非常頂級,以目前嘅陣容黎睇,相信來季較為可信任嘅前鋒就只有巴卡同新加盟嘅施華,而好似波連尼同蘇素都難堪大用。因此,如果能夠加入奧巴美揚呢位世界頂級前鋒,我諗AC米蘭來季嘅實力將可以再提升一個層次!








三月初時,我哋同大家報導過Steam鑑賞家「KABRUTUS」設立「Sweet Baby Inc Detected」遊戲「不推薦名單」,以對抗電玩界日益嚴重嘅「政治正確」風氣。時隔兩月,「Sweet Baby Inc Detected」名單嘅追蹤人數已突破38 ...
hobby
【電玩】玩家繼續杯葛「政治正確」 「DEI Detected」網站列出所有「政確遊戲」
30 Apr 2024
每個男人都有個「機械人大戰」夢,無論係好似高達咁坐喺入面撳掣操控,定係好似《機動武鬥傳G》咁動作操控,甚至好似《鐵人28》咁用搖控器控制,總之係有「機械人」同「打交」我哋就會兩眼發光。而東京鐵塔下新開幕 ...
hobby
【日本】真人版《機動武鬥傳G》!東京鐵塔下玩「機械人大戰」
30 Apr 2024