{ SKIP }
文:MenClub Mr.波特  圖:互聯網
POSTED ON 10 Aug 2017


「半人半神」Vince Carter被認為係NBA歷史上入樽最精彩嘅球員,特別係2000年嘅全明星入樽賽更加成為經典中嘅經典。而Carter之後,Zach LaVine可算得上係繼承左新一代「入樽王」嘅美譽,雖然呢位年輕球員嘅入樽無Carter咁震撼,但係就多左一份飄逸感,而兩奪「入樽王」亦足以證明佢嘅入樽能力。



不過,今年夏天LaVine成為Jimmy Butler交易入面嘅籌碼,被木狼送至公牛。而加入公牛後,預計LaVine將成為公牛未來嘅一部份,但係目前佢仍然處於養傷期間,暫未知幾時可以復出。由於LaVine係左膝蓋前交叉韌帶撕裂,所以就算可以復出亦好有可能會影響佢嘅彈跳力以及表現。


雖然LaVine嘅未來並唔算一片光明,但係呢位「入樽王」仍然受到唔少追捧,其中本來作為一剔牌嘅佢睇黎好快就會轉去第二間公司啦,佢將會加入佢將會係中國品牌安踏,預計佢將會成為繼勇士射手Klay Thomspon後,排名安踏第二位嘅NBA球星。


雖然仲未正式公佈,但係有關LaVine加盟安踏嘅消息已經越黎越可以確認,其中LaVine球鞋嘅標誌已經流出,係一個「Z」,亦即係佢本人Zach的第一個英文字母。另外,一張球鞋嘅剪影亦已經可以睇到,憑住呢張相可以知道LaVine呢款新球鞋將會係低筒鞋。


安踏係中國運動品牌,近年開始向NBA球星埋手,目前旗下NBA球星除左Thompson之外仲有Rajon Rondo及Chandler Parson,如今成功簽埋LaVine,睇黎佢地都真係想繼續增加球鞋嘅市場佔有率。唔知繼LaVine後,下一位安踏可以簽到嘅球星又會係邊個呢?









美斯真係阿根廷嘅救命草!
hobby
【絕對領袖】生死戰,美斯:「我們要用盡最後一粒子彈..」
24 Oct 2017
進入9月,大家終於度過左最炎熱嘅夏天,天氣開始慢慢轉涼嘅情況下各位做運動嘅時候亦都唔使再咁辛苦。而相信進入秋天,出黎做運動嘅朋友應該會稍稍增多,但係記得做運動都一定要小心為上,由其係某啲野做左可能會適 ...
hobby
【運動與健康】劇烈運動後切記以下5點不能做!
23 Oct 2017