{ SKIP }
文:MenClub 波特先生  圖:互聯網
POSTED ON 08 Sep 2017

阿仙奴今季開季前雖然拎左幾個冠軍,令唔少球迷都期盼球隊今季能夠踢出好表現,可惜嘅係當開季後一切都事與願違,目前阿仙奴3戰僅錄得1勝2負排名聯賽第16位,與榜首嘅曼聯已經有6分嘅差距。究竟雲加應唔應該落台呢個話題近年一直都無停過,而上季阿仙奴20年黎首次失落歐聯資格,呢個時間點唔少球迷都認為雲加係時候落台,但最終阿仙奴卻仍然同「教授」簽左兩年合同,令一班認為阿仙奴必須改革嘅球迷大失所望。



而近日,阿仙奴傳奇隊長阿當斯接受訪問時就談到呢位前領隊,佢認為阿仙奴同雲加續約兩年絕對係一個錯誤,因為佢認為雲加並唔係一名好教練。阿當斯表示:「雲加5月嘅時候就應該要離開。你可以話如果佢想多留兩年你可以繼續比兩年時間佢,但就我個人而言,他應該在擊敗車路士後就離開。」


曾經,阿當斯喺雲加手下效力過數年時間,以佢作為球隊隊長嘅身份,相信佢同雲加一定有唔少溝通,因此佢對雲加應該對比其他球員都更為認熟悉。而對於自己呢位前領隊,阿當斯就認為對方喺佢效力阿仙奴期間無教過佢任何野。


阿當斯表示:「作為一名心理學家,他與球員們嘅互動係做得非常出色的,絕對係業界內首屈一指的。」



「不過佢有無教過我任何野?無。佢有無教過我防守?無。」



「佢從來無教溫特本、迪臣,亦都無教過保特或施文。」


雖然呢啲都只係阿當斯嘅片面之詞,但係睇番雲加近年帶領阿仙奴嘅表現,特別係防守端,卻實在係令人非常失望。而雲加喺比賽入面嘅排陣同換人亦都受過球迷唔少批評,因此佢作為教練嘅能力實在令人相當起疑。如果今季唔能夠改善,相信阿仙奴嘅球迷將會有更激烈嘅行為要求雲加下台。不過以阿仙奴一貫嘅做法,相信雲加都幾肯定可以只少坐埋呢兩年。


想成為NBA球員?過到呢兩個測試先啦!
hobby
【高手】NBA級別嘅測試究竟有幾難?!
25 Sep 2017
呢個咁科幻嘅設計,竟然係來自一個1920年代嘅茶杯…
hobby
三尖八角 Krautmotors改裝BMW「電羊」
25 Sep 2017