{ SKIP }
文:MenClub 波特先生  圖:互聯網
POSTED ON 13 Oct 2017

今年冒升得最快嘅其中位運動員,相信就係喺8月份同「不敗拳王」Mayweather進行左「世紀之戰」嘅雙料MMA「寸咀冠軍」McGregor。雖然作為MMA雙料冠軍,其後又加入UFC賽事,但係其人氣並未達至全球,但經過同Mayweather一戰後,McGregor嘅人氣達到前所未有嘅高度,而同時佢亦因此獲得巨額嘅收入。

經過「世紀之戰」一役後,McGregor已經成為票房嘅保證,唔單只佢本身嘅UFC比賽將會進一步吸引更多觀眾入場觀看之外,其他界別嘅格鬥賽事亦對McGregor感相當大嘅興趣,其中就包括著名摔角賽事WWE。
據外國傳媒最新嘅消息指,WWE方面已經接觸McGregor,並與對方就參與《摔角狂熱34》進行商談。據報導指,WWE開出嘅價碼相當吸引,因此McGregor將好大機會踩過界參與一次WWE賽事。如果McGregor真係參加《摔角狂熱34》,相信佢將會吸引前所有未有咁多觀眾觀看。
不過,其實McGregor此前曾多番嘲笑現今WWE的選手是垃圾,完全不屑他們當對手。對於被睇小,WWE嘅選手有唔少都企出黎同McGregor隔空互噴垃垃話,並寸McGregor體身只有150磅,身型又太單簿,同佢地呢班WWE選手打佢死定了。
其實WWE一向都有唔少其他運動嘅選手久唔久就會參與,其中最為人所悉熟嘅應該就係一班NBA球星,好似Karl Malone、Dennis Rodman及O’neal都曾經走上擂台,呢類型跨界別格鬥因為好新鮮,所以都可以吸引大批觀眾入場,收益因此而大幅增加。
進入9月,大家終於度過左最炎熱嘅夏天,天氣開始慢慢轉涼嘅情況下各位做運動嘅時候亦都唔使再咁辛苦。而相信進入秋天,出黎做運動嘅朋友應該會稍稍增多,但係記得做運動都一定要小心為上,由其係某啲野做左可能會適 ...
hobby
【運動與健康】劇烈運動後切記以下5點不能做!
23 Oct 2017
一套四款哥斯拉信用卡,冇份申請都值得睇下呀!
hobby
歷代最大隻哥斯拉 《怪獸惑星》EPOS信用卡
23 Oct 2017