{ SKIP }
文:MenClub 波特先生  圖:互聯網
POSTED ON 13 Oct 2017

奧斯卡杜斯山度士這個名字可能你已經有啲忘記,呢位車路士昔日嘅中場喺去年年底以天價轉投中超球隊上海上港,並拎住40萬鎊嘅週薪至今為球隊上陣左超過30場比賽。不過就喺加盟中超不足一年嘅時間,呢位巴西中場卻有意重返歐洲賽場。

據最新嘅消息指,意甲球隊國際米蘭有意簽入呢位前車路士球員,以加強球隊嘅中場實力,因此奧斯卡係絕對有機會重返歐洲賽場的,更重要嘅係佢本人有呢個心,佢認為自己仍然好後生,所以有呢個能力再戰歐洲。
對於當日轉戰中超,現年26歲嘅奧斯卡表示佢係將家人放得比自己職業生涯更高嘅位置,所以拒絕左當時其他歐洲豪門嘅報價,好似祖雲達斯、AC米蘭、國際米蘭、馬體會等等,最終選擇當中合同最好嘅中超。
2012年,奧斯卡由國際體育會轉投車路士,其後效力藍軍4個半球季,一共上陣203場比賽,攻入38球,並交出37次助攻。而如今黎到上港後,喺上陣31場比賽下攻入6球及交出12次助攻。
確實中超近年大肆擴張,喺世界各地招攬頂級巨星,並開出極誘人嘅報價,令唔少巨星都心動,甚至真係選擇加盟,除左奧斯卡之外,其他較為人所認識嘅球員則有迪維斯、韋素等等。不過,中超始終未算係頂級聯賽,而對於歐洲及南美洲嘅球員黎講,中國亦唔係咁容易適應嘅一方個地方,因此如今奧斯卡想重返歐洲亦絕對理解的。
目前呢隻小貓女要預約先可以買到,價錢大約1944日圓(連稅),算係非常值得入手嘅模型呀!
hobby
靚女兼長腿!《鬼太郎》第6期動畫「小貓女」模型
18 Jul 2018
新生代之間精彩嘅對決!
hobby
【最強新生代】Embiid、Tatum及Bamba訓練進行1對1對決!
17 Jul 2018