{ SKIP }
文:MenClub 波特先生  圖:互聯網
POSTED ON 10 Nov 2017

今年夏天NBA交易市場停過不停,其中最大牌嘅交易至一,相信絕對係騎士將Kyrie Irving交易至塞爾特人。呢個交易嘅起源係Irving自己提出的,外界估計係佢唔想再活喺LeBron James嘅陰影之下,所以想出去證明自己。對於Irving呢個決定,當時外界大部份人都唔睇好,認為佢無左LBJ將難以有更好嘅表現,但係睇番塞軍嘅戰績,佢地宜家排名全聯盟第一,有咁好嘅成績好大程度上就係靠Irving。

對於球迷黎講,Irving嘅加盟帶比塞軍第一樣野應該就係進攻,佢超強嘅控球突破,仲有佢嘅三分球都係致命武器。不過事實係咪又係咁呢?塞軍宜家成績咁好就係因為有Irving嘅進攻?目前,Irving場均取得22分5.7助攻,命中率44.6%,三分球命中率32.1%,與上季相比數據都有不少下跌,更不用提上季Isiah Thomas能夠場均交出28.9分5.9助攻,所以塞軍真正變強嘅原因唔係出於進攻。
無錯,唔係靠進攻,答案就係靠防守!Irving帶比塞軍最重要嘅其實係防守,係咪有啲估唔到呢?相信上季有了解塞爾特人嘅球迷都知道,Thomas因為身高問題成為塞軍嘅防守漏洞,但如今6呎4吋嘅Irving身高足足比Thomas高出7吋,所以以往Thomas嘅問題一下子解決了。當然,呢個仲要Irving喺防守端非常出色,喺面對對方控衛時毫不處於下風。
睇番較為明顯嘅數據,Irving今季目前場均有2.1次抄截,是其生涯新高。另外,Irving嘅防守效率亦由上季109.1下降至如今嘅95.5,足足減少左13.6,說明佢喺防守端變得有幾高效。舉一個例子,喺較早前面對雷霆嘅比賽,與Irving對位嘅球員係上季MVP Russell Westbrook,而Irving令對方全場只取得19分(20投7中),並錄得6次失誤。
一直都有人話:「進攻可以贏比賽,防守可以贏總冠軍。」說明要贏總冠軍防守先係最不可或缺的,因此如今獲得防守端被大大低估嘅Irving,睇黎塞軍真係有機會衛冕東岸冠軍,甚至打破騎士壟斷殺入總決賽,以至挑戰總冠軍!
C朗可否不要老...
hobby
【真的老了?】C朗速度大不如前,難再爆破
22 Nov 2017
繼EVMAs之後再與Skylar Grey合作,仲送多首經典名曲《Stan》!
hobby
Eminem現場演譯新歌《Walk on Water》
22 Nov 2017