{ SKIP }
文:MenClub 波特先生  圖:互聯網
POSTED ON 09 Jan 2018

阿仙奴喺岩岩今季首場英格蘭足總盃,竟然意外地以2:4不敵諾定咸森林出局,成為英超榜首前6位唯一一支出局嘅球隊,相信一眾「廠迷」必定相當失望,但係同時卻對如今嘅阿仙奴可能已經完全沒有期望,佢地唯一等待嘅就係領隊雲加退休嘅一刻。

阿仙奴領隊雲加,去年夏天喺不少批評嘅輿論壓力下再次同球隊續約兩年,對於一直期望球隊能夠改變嘅人士應該已經失望到無晒感覺。而黎到今時今日,阿仙奴喺聯賽只係以11勝6和5負排名聯賽第6位,面對前5位嘅強隊佢地就只曾贏過熱刺1次,基本上已經無人會覺得阿仙奴有任何爭冠嘅能力。
不過近日卻突然有消息傳出,指雲加有意喺今季完結後正式結束領隊生涯,並進入阿仙奴嘅董事局繼續工作。對於呢個消息,阿仙奴球迷係咪好興奮先?!原來喺在雲格去年簽下嘅新合同入面包含一條條款,就係允許球會同領隊雙方喺今季賽季完結後審視球會狀況,並再決定領隊雲加未來嘅去向。
而如果雲加真係退落黎,有指佢心目中已經有未來嘅領隊人選,佢就係曾經喺雲加手下踢球嘅西班牙中場阿迪達。現年35歲嘅阿迪達,喺2011-16球季期間效力阿仙奴,離開槍手之後佢無繼續球員生涯,而喺轉到曼城擔任球隊助教之一。呢位前槍手中場曾為球隊帶黎兩次足總盃及社區盾冠軍。
雖然呢件事仲未100%肯定,但係其實雲加都已經68歲,距離佢退休嘅日子應該都不遠,各位廠迷頂住呀!
NBA又有一班後浪上黎啦!
hobby
【一年容易又選秀】太陽選上狀元大熱DeAndre Ayton!
22 Jun 2018
有理由相信其實佢地嘅髮型係別有用心的!
hobby
【點忍笑?】世界盃爆笑髮型!
21 Jun 2018