{ SKIP }
文:MenClub 魏文青  
POSTED ON 14 Mar 2018
追劇同做愛一樣,所有「前戲」都為咗最後一下痛快淋漓嘅「高潮」,而更相似嘅係高潮過後總會令人有啲失落。要數近年最大檔嘅「前戲」恐怕就係HBO嘅《Game of Thrones》,而個「高潮」(即係結局呀)就預定會喺2019年播放。近日HBO高層就係一個座談會中談論到《GoT》嘅結局,仲有意無意地劇透!

HBO嘅高級節目副總統Francesca Orsi出席於以色列舉辦嘅「intv會議」時,提及到佢近期參加咗《GoT》最後一季,最後一集嘅最後六幕戲嘅劇本圍讀,佢指所有演員都係當日先收到劇本,然後於圍讀時先知道自己角色嘅結局,更以「(角色)一個接一個地跌進死亡之中」,似乎暗示結局會「死得人多」。而圍讀完之後所有演員都不禁站立鼓掌15分鐘,而且好多人都感動流淚。睇黎就唔會令大家失望啦。

另外佢亦提及到《GoT》出外傳(Spin-off)嘅可能性,指唔出就有如「違法行為」,而且一出就係「三、四、五套」。睇黎就算正傳完結,大家都仲可以用不同角度探索Westeros啦。

佢亦談到上年播放,改篇自Liane Moriarty同名小說,由Nicole Kidman及Reese Witherspoon主演嘅《Big Little Lies》。原定計劃理應一季就完,但由於反應熱烈,所以計劃原班人馬開拍第二季。隨咗確保劇本比上季更好,HBO亦要同演員們傾好價錢——畢竟依家已經不可能換角。

Variety
有理由相信其實佢地嘅髮型係別有用心的!
hobby
【點忍笑?】世界盃爆笑髮型!
21 Jun 2018
兄弟歸位 !
hobby
Bigboystoys 忍者龜Bulkyz Collection
21 Jun 2018