{ SKIP }
文:MenClub 魏文青  圖:互聯網
POSTED ON 11 Jun 2018
人在江湖雜務繁忙,就算買咗部PS4返屋企幾年,都冇乜幾可坐定定搵隻Game黎煲下。而印象中過去幾年唯一令到我有「恆心」係咁煲嘅,就只有受「朋輩影響」嘅《Monster Hunter World》,以及由 CD Projekt Red製作嘅《Witcher 3》。後者嘅磅礡故事、廣大世界觀、行到傻嘅開放式地圖、超多武器防具選擇(及支線任務)真係令人諗起《庖丁解牛》嘅「以有涯隨無涯,殆矣」。而CD Projekt Red於昨日舉行嘅E3中就驚喜地宣佈公佈新作《Cyberpunk 2077》嘅預告。
《Cyberpunk 2077》呢個名好明確地話咗你知個故事喺發生喺幾十年後嘅空想未來,科技已經發展到可以為人體植入各種機械部件。主角「V」係一名傭兵,而佢所在嘅城市「Night City」係一個貧富懸殊嚴重,超大企業壟斷一切,社會低層充滿黑幫、生活環境惡劣嘅大都會,而玩家嘅目的就係要成為一代傳奇。Youtube上嘅描述更指明《Cyperpunk 2077》係一個「著重故事的開放式世界單人遊戲」,以CD Projekt Red嘅往績,真係令人相當期待。

而CD Projekt Red唔單止做Game好,仲好鬼有良心。事關有人發現佢哋喺預告中隱藏咗一封公開信,入面隨咗講到明「質素好重要,所以大家仲要等(好一會兒)」之外,仲承諾會有免費DLC,以及一如《Witcher 3》一樣冇數位版權(DRM)。至於近年「流行」嘅「課金」,佢哋就用一句「單人遊戲課金?傻的嗎?」黎回答,瀟灑。

簡單啲黎講,CD Projekt Red就為大家描繪咗一隻非常吸引嘅近未來科幻RPG遊戲,不過要玩呢,就唔知等到幾時啦。
Cyperpunk.net
相信有去開現場睇波嘅球迷都唔難發現,賽後觀眾席入面總會佈滿非常多嘅垃圾,因為一班無手尾嘅球迷會隨意拋棄,令清潔工人有大量垃圾需要收拾,同時令垃圾難以進行分類回收從而破壞環境。其實只要你有些許環保意識, ...
hobby
【愛地球】世界盃日本球迷環保意識贏晒!
20 Jun 2018
型就係咁簡單!
hobby
【好有型】塞內加爾贏波,教頭搶晒鏡!
20 Jun 2018