{ SKIP }
文:MenClub 波特先生  圖:互聯網
POSTED ON 13 Jun 2018

設計對白:「唔X係呀...」

目前距離世界盃仲有唔夠兩日,各支有份參與決賽週嘅國家隊都盡最好努力作調整,希望可以為祖國踢出最好嘅表現。不過,就係呢個緊張嘅時刻,西班牙國家隊卻迎來大地震,目前領隊一職懸空嘅皇馬宣佈,正式聘任西班牙國家隊領隊Julen Lopetegui作為新任教練,呢個消息令西班牙國家隊出現空前嘅危機。

喺上月帶領皇馬成為歐聯三連霸嘅領隊施丹突然宣佈辭職,有指佢今次離任係因為同皇馬高層意見不合,而佢呢個決定令皇馬需要重新搵黎一位領隊,但經過一段時間嘅尋找下唔少大牌教練都相繼拒絕呢個燙手山芋。

不過就喺大家仲估緊皇馬究竟會帶黎邊一位教練,會唔會係普捷天奴?定係高普?點知最後卻爆出接任施丹嘅係目前西班牙國家隊領隊Julen Lopetegui。對於一位教練決定執教皇馬呢支全球其中一支最受歡迎嘅球隊,理論上係完全明白佢呢個決定,再加上消息指佢係會於世界盃之後先真正加盟,所以對於西班牙國家隊影響本來係唔算好大。

不過,今次Lopetegui選擇執教皇馬卻被認為係背叛嘅行為,因為佢其實喺5月底嘅時候先同西班牙足總續約兩年至2020年,本身預佢帶隊打完今屆世盃後再戰兩年後嘅歐國盃,所以今次佢喺完成續約後短短三個星期後就「跳船」,實在令人唔少人意想不到。

對於今次Lopetegui決定「跳船」加入皇馬,有指係唔少西班牙國家隊隊內皇馬球員支持佢的,但呢個結果卻令隊內唔係皇馬嘅球員非常唔舒服,甚至對佢已經完全失去信任。

另外,西班牙足總事前亦完全唔知Lopetegui有加入皇馬嘅想法,所以對於突如其來嘅消息感到驚訝,並有啲手足無措,唔知應唔應該即時將佢辭退或繼續比佢帶比征戰世界盃。

最近有傳《地獄少女》將改編成真人版電影,並於2019年上映!
hobby
《地獄少女》真人版電影將於2019年上映!
24 Sep 2018
潮流瀰漫一種Cross Over/大亂鬥/大結合 嘅氣氛,早前熱門嘅有Marvel Avenger 電影系列;遊戲界又有大亂鬥系列,仲有乜乜VS物物系列。喺《週刊少年Jump》出版五十週年嘅時刻,由Bandai Namco 推出紀念遊戲 - 《Jump F ...
hobby
Jump出漫畫,跳入遊戲打餐飽 !
24 Sep 2018