{ SKIP }
文:MenClub 魏文青  
POSTED ON 06 Jan 2017
早排文青同朋友講起數碼暴龍機,發現好多人一諗起就淨係記得對戰時要Chok嘅《超數碼暴龍》,但就完全唔記得其實之前其實仲有五代「無字頭」嘅「數碼暴龍」。有見及此,我決定大巴大巴刮醒佢——不過唔係用手,係用呢部復刻版數碼暴龍機!


為咗紀念初代數碼暴龍推出二十週年,Bandai就宣佈會推出一紅一藍兩部復刻版數碼暴龍機。外觀上同當年嘅數碼暴龍機係一模一樣,但內裏就好唔同啦!首先,佢有哂1~5代嘅所有數碼暴龍,仲有10週年紀念嘅「ドラコモン」、十五週年嘅「ハックモン」同新出嘅二十週年「ズバモン」。而且有別於初代升到完全體就到頂,仲可以破格升做究極體!


另外育成方法都有唔同。首先依家可以一次過養兩隻數碼暴龍,而且成長週期都由當年嘅一個星期縮短為兩日。除咗連線對戰,亦可以選擇自己合體黎培育出更強大嘅數碼暴龍,仲可以連線複製數碼暴龍畀朋友。就算你冇朋友,佢都仲有單機模式,等你用自己養嘅數碼暴龍挑戰內置嘅敵人!


簡單啲黎講,呢隻復刻版數碼暴龍機係一個「舊瓶新酒」嘅好嘗試,而且只係賣3780Yen,即係250HKD左右!250蚊買返廿年前嘅童年回憶喎!抵到爛啦!
digimon.net/20th
列高巴(Álvaro Recoba)呢個名可能年輕啲嘅球迷會無乜聽過,不過如果數到足球歷史入面嘅天才球員,佢就絕對係其中之一。
hobby
【傳奇球員】烏拉圭最強左腳王 - 列高巴
29 May 2017
其他嘢唔好講住,有冇高清?恭喜各位《芒亨》fans先,等咗咁耐終於有全高清版!!!今次Switch版同3DS2大分別就係支援1080p畫面,而且帶出街都一樣有720p,畫質大大提升。之前買咗3DS版其實都唔使喊住,事關兩個被本 ...
hobby
8月屠龍 《芒亨》Switch版確定
29 May 2017