手機遊戲開發商KLabGames喺日前「NEXT VISION」發布會上，一口發表多款作品，除咗《Bleach》同《幽遊白書》呢兩款動漫改篇作品之外，仲有大家期待多時嘅《足球小將》。遊戲名為《キャプテン翼 ～たたかえドリームチーム～》，暫時見到嘅角色都係由中學篇到世青篇，所以遊戲內會重現大量必殺技，衝力射球同剃刀射球呢啲當然唔少得，見到小志強招猛虎射球有老虎咆哮，真係夠晒霸氣！

雖然未有公開詳細玩法，但睇遊戲畫面推測，似係以前入指令式玩法，而且比賽設定比前豐富得多，唔知玩落有冇任天堂時咁好玩呢？遊戲將會加入對戰功能，除咗同朋友對戰之外，仲可以打排位賽。遊戲係基本免費，課金抽卡，將會有齊iOS同Android版，暫定今年內推出，到時我一定會玩！