{ SKIP }
文:MenClub 小白臉  圖:互聯網
POSTED ON 11 Aug 2018

一部好小小嘅洗面機都要千幾銀,可能好多人都會覺得「嘩!咁貴,我用手洗算啦」,不過買到一部好嘅洗面機,一來洗到你皮膚白白滑滑,除時仲可以令你慳翻買其他護膚品嘅錢。係咪真係咁神?睇埋落去啦。

首先就講下洗面機嘅好處先啦。

好處一:溫和清潔鬼祟位

大多數洗面機都選用纖維材質的細小刷毛,可溫和輕柔地清潔皮膚,而且刷毛韌性較強,靈活性高可以清潔到鬼祟位置,例如鼻翼下巴等角落部位,清潔一D連手都清潔唔到嘅位置。

好處二:輕輕按摩促進血液循環

洗面機一來可以清潔二來亦都可以按摩面部,震盪嘅時候可以加速面部嘅血液循環。加快細胞新陳代謝令你嘅皮膚更加緊緻,另外血液循環得好,仲可以令之後用嘅護膚品更加吸收。

好處三:均勻清潔面部

洗面機一般都有不同震動清潔模式,用嘅時侯可以自己選擇適當嘅力度,迎合到唔同人嘅喜好同需要,令你舒服到好似女朋友幫緊你洗面咁。另外洗面機旋轉同震動速度均勻,可以平均清潔面部,比起用手清潔得更乾淨。

好處四:推出淺層黑頭粉刺

震動清潔時能令表層粉刺鬆動,幫助成熟左嘅粉刺早D代謝出來,洗面機的震動旋轉對此類粉刺有助鬆動同清除。另外刷毛可以有效帶走毛孔內嘅污垢同油脂,進行深層清潔。

好處五:改善膚色不均

好多人都會問點解印堂睇落咁黑嘅?唔係你黑仔。其實係你無去角質。過量嘅角質層堆積會令膚色不均,睇落又黑又黃。洗面機就正正可以幫你解決呢個問題啦,因為震動清潔嘅時候可以溫和帶走面部角質,令皮膚更有光澤改善膚色不均嘅問題。

《私家推介兩款不同種類洗面機》

 

LUNA 2 男士淨透舒緩潔面儀

呢一款同平時洗面機好唔同,LUNA 2採用凹凸型刷頭,利用聲波脈動清潔面部,每分鐘傳遞8,000次透膚聲波脈動。深入清潔皮膚而且不刺激。能夠深層清潔多餘油脂,緩解剃須帶來嘅不適感,亦可縮小毛孔,另外亦可用作面部按摩。

Philips VisaPure Men

垂直震動深層清潔毛孔內的油脂污垢和死皮細胞,旋轉動力則可清除皮膚表面的雜質,讓肌膚徹底潔淨。潔面刷設有2種模式:「溫和清潔」可溫和輕柔地清潔皮膚;「深層潔淨」則可為你帶來更強潔淨效果。亦有不同功效刷頭,適合不同膚質人士使用。

所謂小財唔岀大財唔入有D野真係唔慳得。

又係一個試咗未必有,唔試就一定無嘅機會!
style
【又有機會嚟啦】又有機會再買到 Nike Air Max 1 x Parra 呢對限量波鞋! ... ... ... ...
16 Aug 2018
【影音入門】甚麼是Hi-Res Audio「高解析度音樂」檔案 (上) 近年Hi-Res Audio大行其道,網上音樂商店客戶購買下載頭幾位歌曲通常都標明HI-RES音樂,咁到底甚麼是HI-RES音樂?你要如何買到或搵到HI-RES音樂?又 ...
lifestyle
【影音入門】甚麼是Hi-Res Audio「高解析度音樂」檔案 (上)
16 Aug 2018