{ SKIP }
文:MenClub 波特先生  圖:互聯網
POSTED ON 28 Jun 2018

槍,對於男人黎講係有一種莫名嘅吸引力,可能係因為佢嘅外型,可能係因為佢嘅力量。不過,香港並唔係一個可以合法持槍嘅地方,所以如果真係好鍾意槍嘅朋友,最多就只可以玩氣槍。

氣槍目前黎講喺香港都唔係一樣非常普及嘅運動,甚至有唔少人印象中都唔覺得佢係運動,同時會覺得呢樣係一樣危險性高嘅活動。不過,其實香港已經越黎越多人接觸呢項運動,甚至黎緊香港亦都會舉辦首屆氣槍射擊世界賽。

而作為賽事東道主,我地MenClub搵黎今次賽事最有機會奪冠嘅選手 - Tommy邱振星,等佢更深入將佢自己作為射擊選手同呢項運動帶比大家。

喺香港作為一個年輕人,讀書嘅時候接觸最多嘅運動應該都係籃球、足球、乒乓球等,而Tommy亦都一樣,最開始係先接觸籃球的。不過其後Tommy卻被由以故巨星張國榮主演嘅電影《槍王》吸引,開始投入氣槍射擊呢項運動入面。

「其實我由中四16歲嘅時候接觸射擊運動,我當時係喺屋企睇到《槍王》,然後你知槍對於男仔黎講係有一種無名的吸引力,因此我就好衝動上網搵左一啲氣槍初班報名,玩完之後覺得好吸引,因為呢項運動好有刺激感同速度感,同時亦都令我好有成功感。」

「其實《槍王》相信唔少朋友都應該睇過,大家都知道當中有哥哥同方中信,而我就係被張國榮哥哥個種氣勢所吸引。而其實我之前都有玩開War Game,但睇過《槍王》之後發現實用射擊,可能會比我有更大嘅成功感,因為分數及人與人之間嘅競技都可以好清楚咁呈現出黎,所以我都好希望可以喺自己嘅射擊生涯中,可以有一種咁樣嘅氣氛。」

而同唔少人一樣,喺Tommy嘅射擊生涯入面,亦都有幫過佢對佢非常重要嘅人,但係令人傷感嘅係佢已經離開左世界...

「其實當我一開始2011年開始參加射擊嘅時候,我記得我第一次返槍會練習,我就遇到一個叔叔,佢叫朱Sir,他比左好多鼓勵同支持我。最記得有一次,我喺比賽前支槍壞左,他將把槍借左比我去打比賽,但是...好不幸佢睇唔到我參加今次世界比賽。所以可以話呢次比賽我除左係為自己,亦都係為香港搞呢個運動嘅搞手去打,同時我都係為左朱Sir去打今次比賽。」

咁究竟射擊運動有咩咁吸引觀眾?佢同其他運動又有咩分別先?

「因為射擊運動其實係一項個人運動黎,它唔同其他籃球或者打拳等,係兩隊人或兩個人中間嘅對決,但作為一個觀眾去欣賞射擊運動其實係好刺激的,因為你可以睇到一個選手佢點樣喺幾秒、10幾秒中,喺一個關卡施展佢嘅混身解數,喺一個場景入面如何好專注打晒所有唔同嘅靶。另外,你亦都會睇到一班選手,喺好大壓力嘅情況下點樣控制住自己嘅心態,點樣好穩定咁喺每一關發揮自己。」

對於黎緊嘅世界賽,Tommy又大唔大信心呢?

「其實黎緊就係《第一屆氣槍實用射擊世界錦標賽》,我對呢個比賽有好大期望,我由一年之前就已經知道會有呢個比賽,而如果話無壓力就係假嘅,點都會有壓力,但係我會學習將呢啲壓力轉化成為我嘅動力。去更加比心機練習,希望最後可以獲得一個好好嘅成績!」

《第一屆IPSC氣槍射擊世界錦標賽》

地點:九龍灣國際展貿中心6樓 展貿廳3

日期:2018年6月30日-7月2日(星期五至日)

時間︰上午8時30分至下午5時

入場費用:$20

不論你對ViuTV持有甚麼態度,你都不能否認它近年為香港娛樂圈捧出一群至少有話題性的年輕面孔。單論《全民造星》系列就為大家「貢獻」出Mirror、Error、P1X3L、Collar四隊組合,再加MC張天賦、Mansonvibes 張進翹、A ...
people
【MenClub People】鍾意,己經夠啦 - Johnny Hui 強尼
30 Sep 2022
第一次親眼「見到」洪嘉豪,是去年年尾在Jace (陳凱詠) 的演唱會上。雖然當晚他只是作為觀眾於台下睇Show,但每到Jace準備邀請嘉賓上台時,我旁邊就會有個不知名男觀眾,不停用洪嘉豪欠他錢沒還似的語氣大叫「洪嘉豪 ...
people
【MenClub People】一步一腳印 - Kaho Hung 洪嘉豪
04 Jul 2022