{ SKIP }
文:傑克  圖:互聯網
POSTED ON 17 May 2018

風之后李麗珊在10年前話養育一個小朋友要400萬,10年後通脹猛如虎,今時今日養兒育女起碼都要600萬吧。既然養育小朋友是天文數字,作為家長可以點做?咪就係慳得就慳囉,但其實慳住都可以享受親子樂,何樂而不為?

不讀私校,改讀津校

個個家長都話要贏在起跑線,在小朋友還是幼兒階段時,就猛谷佢讀名牌幼稚園,升小學又揀私立小學,甚至乎國際學校,目的就是要小朋友一開波就要先入波,領先住黎踢埋餘下賽事。但足球場上都有反勝啦,何況人生流流長?幼小學習階段最重要是學習態度,而非知識,名校教育反不及家長自身教育重要,以為俾小朋友讀名校就大安旨意,只會浪費金錢,不如慳番個錢,付出多點時間教仔好過。

 

不坐校車,自己接送

校車接送是一般幼稚園都有的服務,但校車費用一定貴過公共交通工具。所以,別貪睡、怕麻煩,不妨先帶小朋友返學再上班,相信時間上應該可以調配到的,然後找工人姐姐或長輩幫手接放學,每個月慳回不少校車錢。而最重要是,送小朋友返學可以把握每天不多的時間享受親子樂,否則晚上ot完回家,小朋友可能已經睡了,沒時間享天倫呢。

不去迪士尼,改去遊樂場

家長們每逢周末或放假,都要搵地方帶小朋友去玩,海洋公園、迪士尼或play house是很多家長的選擇,但這些付費遊樂場又貴又人多,而且選擇少,極不化算。其實康文署有好多好好玩的兒童遊樂場,免費俾小朋友放電,就算是天氣太熱或下雨天,亦有很多體育館設有室內兒童遊樂場,設備不差,又可以去不同區域玩,慳錢之選呀。

 

不去澳洲,改去長州

放長假時,家長就喜歡帶小朋友外遊去旅行,美其名俾小朋友見識及試新野,實際上是自己想去旅行抖氣。其實幼稚園階段的小朋友記憶系統尚未發達,長大後也不會記得自己去過哪裏,不如先遊盡香港地方,如果真係好想外遊,也先去亞洲地區如澳門、台灣等,等小朋友入讀小學後,真係識玩又記得自己去過邊,先至遠行也未遲!

此情未語淚先溶,自今別去,目斷飛「熊」。如果對上3年沒有簽下巨額合約,NBA球員或許已經錯過了登上富豪列車的黃金機會,因趨勢顯示球市逐漸走進送牛迎熊的階段。 悲劇人物 控球後衛Isaiah Thomas大約年半 ...
powerandmoney
【牛已轉熊】 從NBA自由市場看股市
25 Sep 2018
世界難撈,人浮於事,今時今日出來打工,唔容易找到一份真係好有興趣好想做的工作,有時候只要搵到份工,已經好好。但即是新工並非dream job,作為受薪員工,做好份工也是基本要求,但要點先可以做好一份唔係自己心 ...
powerandmoney
返新工的正確想法
24 Sep 2018