有冇發現好多有啲肉地嘅男士都唔多打扮？其實好多時唔係佢哋唔想打扮，而係成日覺得反正自己咁肥，著乜都唔好睇架啦，所以就放棄打扮念頭，由得自己著衫求求其其。喂！邊個話肥仔唔可以型架？肥仔都一樣可以著得好有Style引死女！

話說日本即將推出第一本專為肥仔度身訂做嘅雜誌「Mr.Babe」，就算你周身肉，都可以因為著得有型而受女仔歡迎！

根據《Mr.Babe》調查發現，有超過50%嘅成年女性表示「結婚對象嘅身材稍微有點肉地比較好」。所以《Mr.Babe》就以「受女生歡迎嘅肥紳士」為目的而創刊。另一方面，調查又發現，日本男性有30%以上都係BMI25以上嘅肥滿體型，當中以30-40代為中心，而且人數仲不斷增加。所以《Mr.Babe》嘅讀者群主要鎖定30-50代嘅胖胖日本男性，雜誌Model自然都搵返大叔做示範。