今次Fujifilm將自家instax即影即有相機系列進化，加入數碼相機功能，大家影完就可以即時印相。雖然同平時即影即有一樣玩法，但其實影完唔使即print都得，等你揀啱心水靚相，再好似玩instagram咁落埋特效，執靚光暗同對比度先再印出嚟都未遲。SQ10使用instax SQUARE相紙，印出嚟相都會好似IG咁變返正方形，而且印一張相只係要12秒左右，所以我覺得SQ10會比Polaroid嗰部好玩得多。

除此之外，SQ10可以插microSD卡，由於每張相只係得1920x1920解像度，所以1GB容量已經夠儲1000張相。如果有埋Wi-Fi或Bluetooth用嚟幫手機print相，我相信會吸引到更多人買機，當然整埋IG外型就會更正啦！SQ10預定5月發售，售價$280美元。