主要推出環保露營產品嘅Biolite，大熱款Cookstove真係賣到街知巷聞，差啲連打個卡就當自己係山系女神嘅都識得佢。今次推出改良版CampStove 2，一樣係免gas，加入木碎、樹枝或紙張等可燃物品點火就可以無煙生火，然後仲可用內置風扇嘅4種風速控制火力，煲滾1L水都唔使5分鐘。

不過今次CampStove 2就加入埋2600mAh鋰電池，能將熱力轉化為電力，而且電池能夠獨立拆出嚟用，等你可以用USB來幫手機或其他裝置充電，真係當佢係小型發電機！每套CampStove 2連USB燈FlexLight重約1kg，售價129.95美元，仲可以另購燒烤架、營燈同水壺等大把配件，有興趣不妨去官網望下(http://www.bioliteenergy.com/products#cooking)。