{ SKIP }
文:MenClub Frey Lai  
POSTED ON 28 Apr 2017
唔可以喺禁飛區或者有飛行管制地方玩航拍機是常識吧。不過近日有人喺成都機場一帶亂飛,令過百航班受到影響,更一度停飛,結果航拍機龍頭DJI就決定出重金懸賞,用100百萬人仔緝兇。

大陸飛機延誤已經唔算係新聞,原因真係多到數唔晒,而最近又可以加多一項。話說,成都雙流國際機場喺今個月14、17、18同21日,因為有航拍機非法闖入禁飛區,更癲到喺架降落緊嘅飛機下面飛過,結果4日令過百航班受到影響,當局聲稱有過萬名旅客滯留機場,成都警方已經展開調查,而作為最大航拍機生產商嘅DJI亦宣布幫手,懸賞100百萬人民幣緝兇。雖然未有證據顯示沙案係DJI航拍機,但自動請纓總好過被人踢爆,到時又要勞煩「關公」。

講返今次禁飛區放飛機其實隨時死得人,唔係誇大,你諗下如果佢遙控飛個炸彈去機場,你都咪話唔大劑!所以今次事件令人注意到有需要進一步管制航拍機,同時亦擔心禁飛區保安太弱。家陣縱使講明禁飛,但仍然難以阻止有心犯法嘅人,而且保安強度不足亦好難捉到犯案人士。近年全世界積極發展無人機,同時亦開始加強對無人機管制,事關無人機對安全同私隱嘅挑戰愈來愈大。睇返香港,暫時真係唔唔使擔心咁多,因為根本冇地方玩!!!


一山不能藏二虎,一部iPhone似乎都不能藏二解鎖感應器;iPhone X加入全新Face ID臉容解鎖,取代咗Touch ID指紋解鎖,連實體Home鍵都冇埋。但有分析師就預測,Touch ID仍然有可能重新回歸未來嘅新iPhone型號。 ... .. ...
tech
分析師預測 Touch ID有機會翻生?
20 Sep 2017
最近Gmail終於推出更新,識得自動辨認電郵裡面嘅地址、電郵地址同電話,並將佢哋變成超連結,話希望幫大家慳到啲寶貴時間咁,早就應該啦。
tech
【實用】Gmail更新 地址連結自動幫你跳去地圖
20 Sep 2017