蘋果自行研發汽車大計爛尾，但CEO Tim Cook講過，自動駕駛汽車係AI嘅核心，強調蘋果正集中火力研發自動駕駛系統。

最新消息係，Apple同著名租車公司Hertz（與Avis齊名），租用6部凌志（Lexus）SUV RX 450h，安裝自動駕駛系統作測試。

Lexus RX 450h

就咁睇，Apple同Hertz租車冇乜特別，你同我都可以租。但有高盛（Goldman Sachs）分析員認為，件事唔係咁表面、簡單。Hertz喺租車界多年，佢哋有能力同車廠以「靚價」向車廠購入大批車輛，本身又有強大嘅維修同存放車輛嘅場地。當自駕駛系統成熟之時，好似Hertz呢類租車公司，好有實力成為自動駕駛汽車業務嘅重要組成部份。

Hertz股價近年麻麻，消息傳出後，股價立即升近14%。