Photos: Sony Japan

日本Sony Music Entertainment（SME）宣布，重新啟動旗下子公司Sony DADC Japan，位於日本靜岡縣嘅黑膠唱片生產線。對上一批「Made in Japan」嘅Sony黑膠唱片要回數到1989年。

在Sony宣布重開黑膠唱片生產線之前，日本只有東洋化成（Toyo Kasei）製作黑膠。SME暫未公布重開生產線後，首批黑膠唱片詳情，但相信大部份都係SME旗下藝人嘅作品。其實，喺香港附近嘅廣州番禺，今年都有黑膠唱片廠重新投產。 

Sony話今次決定係想畀消費者有更多選擇，哈哈！係呀係呀！明嘅！明嘅！

睇睇日本唱片協會（RIAJ）嘅資料，日本去年生產咗799,000張黑膠唱片，係近10年最多嘅一年。如果將呢個數，同2009年（102,000張）對比，升幅接近8倍，黑膠唱片再度大熱，唔係亂吹，係有實數你睇嘅。