{ SKIP }
文:士昆素  
POSTED ON 07 Aug 2017

好多單身巴打都冇家中煮食習慣,總之茶記麥記吉記加兩間「大記」,搞掂晒,免煩。

講就係咁講,食得多「出面嘢」,真係想間中有餐精緻啲嘅住家嘢,尤其是曾經歎過出自「優質住家菜」嘅住家菜。 

其實,自問唔係雙臂殘廢或你個人hea到出汁,識得上網搵下食譜,唔難煮到好嘢食,當然,酌量投資落「架生」就少不免,所謂無氈無扇,神仙難變。



廢話講完,入喇!Panasonic喺8月初發表新款迴轉烤肉機(NB-RDX100),前半部係黑色圓筒機身,擺喺open kitchen係幾有型嘅。講實際,佢採用「雙火」佈局,意思係:喺回轉燒架軸芯旁邊,各設有高火及低火紅外線發熱管,睇過動漫《伙頭智多星》第一集「焗/炸豬扒飯」都知,但凡烤、炸肉類,最理想就係「雙火」夾擊,咁就可以做到鎖住肉汁,內層軟滑,外表又皮脆香口。












呢部機亦有燻製功能,高、低溫兩個模式,可以整燻蛋、燻三文魚、燻蠔等等。咁你淨係鍾意佢個樣,朝早撚幾件多士都得嘅。





55000日圓,合理之中又貴咗啲啲啲啦,11月喺日本發售。買返香港用,預咗要加隻大火數少少嘅「工業牛」。忍到手,不妨睇定啲,分分鍾來年有220V出口版。



中國大陸本來係Apple Watch Series 3嘅首賣地區之一,香港反而冇份;正當大家憤而葡萄之際,大陸竟然急急煞停,押後開賣日期;官方冇解釋原因,但有分析就估計可能同手錶LTE版內置嘅eSIM對政府構成監管困難有關。 .. ...
tech
大陸突禁賣Apple Watch 3 又係監管問題?
20 Oct 2017
雙屏幕手機並非新鮮事物,不過都仍然未算興起,最深入民心嘅可能係俄羅斯出品嘅YotaPhone,當年普京都送過一部畀習總。最近ZTE都玩雙芒,推出全新Axon M,但就同YotaPhone嘅前後雙芒唔同,而係好似筆電咁整部雙芒摺 ...
tech
【M for More?】ZTE發表Axon M雙芒摺機
20 Oct 2017