{ SKIP }
文:MenClub 魏文青  
POSTED ON 03 Oct 2017
好多人認識、甚至喜愛Aston Martin呢個英國汽車品牌,都係因為佢嘅DB5同DBS都曾經先後成為電影中占士邦嘅坐駕。俊朗嘅外表(我指架車)加上電影特製嘅機關武器當年真係吸引萬千少男夜夜回味。而Aston Martin近日就公佈最新出品,直頭唔使改裝都好似係由占士邦電影走出黎咁,因為係一隻潛艇黎。


為咗打入唔同層面嘅高級消費品市場,Aston Martin就同美國高級潛艇廠商Triton合作,推出代號「Neptune(海王星)」嘅高級私人潛艇。Neptune以Triton原有嘅LP(Low Profile)型號為基礎,Aston Martin以自己生產嘅汽車(如Valkyrie)為設計靈感,加上一向高質、高級嘅用料、手工,將原來個樣相同工業化嘅LP轉為充滿未來感、可以載到三個人嘅休閒用潛艇。係就係唔知幾時會用得著,但係咪都好想坐下呢?


據知Neptune將會限量生產,而基於一隻普通LP都要200萬美金,呢隻「別注版」都肯定唔會平得去邊。所以呢,大家都係等下一套占士邦電影,睇下有冇機會會見到佢嘅真身啦下。
Aston Martin
雖然大陸封鎖Google,但就擋不住Google想賺錢......係發展嘅心,近日就宣布於大陸設置AI研究中心,似為重返大陸市場舖路。
tech
Google「進駐」大陸 開設AI研究所
13 Dec 2017
人總係得一想二,屏幕更闊更大無邊框,又會想要返個Home Button,掛住指紋解鎖掣。觸控及生物辨識技術生產商Synaptics就預告,唔使擔心啦各位,佢哋嘅Clear ID可以喺全屏幕手機之下,照舊用到指紋解鎖,仲已經同「全 ...
tech
Touch ID還魂?全屏幕都有指紋解鎖
13 Dec 2017