即將喺明年1月25日推出嘅Capcom重製大作《Resident Evil 2》(バイオハザード RE:2)，將會喺日本推出兩個唔同血腥程度嘅版本，包括CERO D嘅17歲以上血腥程度較溫和版本，以及CERO Z嘅18歲以上原汁原味版本。而香港及台灣地區推出嘅亞洲版將會採用歐美分級標準嘅原汁原味版本，並可以透過首日更新追加繁體中文支援。

CERO D版及CERO Z《Resident Evil 2》已經日本開放預購，而喺日本地區只有PS4平台推出實體版本，而Xbox One版本及PC版本只會推出下載版。原汁原味嘅CERO Z版本喺玩嘅時候將會與《Resident Evil》以往作品一樣，血液四濺、喪屍被打爆至頭破血流，而CERO D版本嘅血腥暴力情度會相對溫和，適合怕血但又想玩嘅朋友。

《Resident Evil 2》原本係1998年喺PS1推出嘅經典驚悚遊戲，重製版本採用咗高畫質3D繪圖去重現當年嘅經典場景及劇情。除此之外，Capcom亦公布咗珍藏版(Collector’s Edition)中收錄咗主角Leon模型公仔，造型及神情都非常像真。