大家有冇諗過激光可以有觸感，而且你仲可以用手掂到呢？最近日本大學就成功研究出安全嘅激光，對將來發展能夠觸摸嘅全息影像又邁進一大步。

能夠令激光可以被觸摸，原理係用肉眼睇唔到嘅紅外線激光，令空氣分子離子化，然後就可以產生光點。只要控制激光嘅照射位置就可以多光點串聯成影像或動態影像，大家就可以觸摸到激光。不過由於激光熱力比較高會令皮膚受傷，所以只係理論上掂到，實際上仍未成功，但好在呢個技術最近已經得到改良。

日本筑波大學、宇都宮大學、名古屋工業大學同埋東京大學聯合研究，發現利用飛秒級脈衝技術發出激光。飛秒級即係每次激光的持續時間為千萬億分之一秒，以呢個極短嘅時間令空氣離子化。令大家可以觸摸到影像之餘，又可以透過輕微嘅脈衝而得到質感，更重要係唔怕會被激光灼傷。現時飛秒激光被應用於矯視方面，但今次發現對於將來發展全息影像技術在非常重大嘅幫助。