早排任天堂官方推出嘅迷你版紅白機，家陣炒價已經回落，問過唔少game鋪老闆都話落價原因，除咗有大貨返之外，原來好多人都覺得入面嘅遊戲唔係最啱自己心水，而且最多人問就係可唔可以自己加遊戲。本來紅白機同灰機都係只可以玩到預載嘅30款遊戲，不過外國hacker Madmonkey就解決咗呢個問題，成功破解主機，令玩家可以自己加ROM玩，香港亦有人學識呢個方法用嚟破解紅白機，仲拍埋片大晒「解開成就」！雖然有晒教學，但都唔係一般人可以搞得掂，至少都有要一定Linux或者程式基礎先識整。如果你有興趣，可以去呢度(http://pastebin.com/af2RxZ6z)研究下。