主打AR功能嘅第一代HoloLens經過兩年前時間，由發表到依家莫講話普及，連買得到嘅人其實都唔多，事關賣緊3000美元一部嘅HoloLens仍係工程師版。雖然HoloLens遲遲未出，而市面上已經有大量VR裝置，但目前仲未有其他人追到佢嘅AR技術，所以HoloLens仍然有領先優勢。

大部份產品嘅第二代好多時只係小改款，而Microsoft有意大幅升級下代HoloLens，認為只係強化AR嘅第二代可能會失去吸引力，所以就決定跳過第二代，直接推出以MR為主嘅第三代HoloLens，而且仲會縮小裝置嘅體積同加長續航力，預計2019年正式發表。