大家睇VR片，最enjoy就係「主觀視點」帶嚟嘅臨場感，令自己可以第一身參與，360度置身電影當中，所以VR電影同劇集都係令觀眾臨場感體驗為賣點，令佢哋好似自己有份演一樣。VR製作公司UNLTD最近就發布VR科幻劇集《Trinity》嘅宣傳片，觀眾就要去到人類已經滅絕嘅世界，扮演一個機械人同奇點戰鬥嘅機械人。聽完簡介同睇過預告片之後，真係覺得似game多過劇集。

呢套VR科幻劇集將會由stop motion大師Patrick Boivin執導，總共有5部15分鐘嘅短片，預計會喺各大VR平台播放，但仲未知幾時正式播放，只係預計今年秋天會向部份合作伙伴提供影片。其實除咗《Trinity》之外，另一大廠Skydance Interactive亦發布VR作品《Archangel》，而且仲準備緊將電影《外星生命(Life)》VR化。至於《太空潛航者》亦準備推出VR版本，將電影變成20分鐘嘅VR作品，定價9.99美元。