- SITE MAP
- |
- CONTACT US
- |
- ADVERTISING
- |
- PRIVACY
- |
- MOBILE
- |
- RSS
以每秒960張超慢動作拍攝為賣點嘅Sony Xperia XZs,日前正式喺香港發表。旗艦級XZs售價$5298、入門版XA1就賣$2498,分別會喺4月同3月底發售。你睇下超慢動作幾有動感,啲肉幾咁動LLLLL~講緊手臂呀! 雖然兩部機同日發布,但其實都有好大分別,事關係得XZs先玩到新鏡頭Motion Eye嘅960fps拍攝同Predictive Capture功能同有防水功能,XA1係冇呀。早前喺MWC出現過嘅Sony Xperia XZs,以每秒960張超慢動作拍攝為主要賣點,呢部新機今日正式喺香港發表,售價$5298,同場仲有入門級嘅XA1就賣$2498,分別會喺4月同3月底發售。至於5.5"嘅4K HDR手機XZ Premium就未出現,問過Sony代表話會喺今季尾前推出,大家要再等下。 雖然兩部機同日發布,但其實都有好大分別,事關係得XZs先玩到新鏡頭Motion Eye嘅960fps拍攝同Predictive Capture功能,而且仲有埋招牌防水功能,成為自2012年以來第21部Xperia 防水手機。XZs規格基本上同旗艦級嘅XZ Premium差唔多,只係差在XZs用5.2" FHD屏幕同埋Qualcomm Snapdragon 820處壓理器。至於XA1就冇得玩超慢動作同埋防水功能,只係sell超窄邊框,吸引力自然冇兩部XZ咁大啦。 講返960fps同Predictive Capture呢兩個主打拍攝功能,960fps玩法好簡單,只要喺拍片模式之下揀咗超慢動作模式,就可以好似平時拍片咁拍,當見到想要嘅畫面時,只要撳一下慢動作掣,畫面就會好似影相嘅快門咁閃下,將頭係嘅一剎變成超慢動作。咪住先,拍得一下?講真,未試之前好多人(包括我)都以為可以長roll,然後拍足成條都係慢動作,又或者可以事後揀返慢動作嘅時間範圍。但原來實際上只可以將0.2秒左右嘅時間變成960fps超慢動作,而且由於時間太快,所以好容易會錯過你想要嘅一瞬間。雖然話超慢動作可以喺同一條片入面重複使用,但有時影唔切就真係冇下次機會。
王於Predictive Capture就係部份數碼相機都有嘅功能,能夠預先記錄低你撳快門之前一後時間內嘅畫面,對於拍攝高速動作都有一定幫助,事關呢個功能會感應畫面中移動嘅物件,然後就進行預先拍攝,咁就唔怕撳得快門已經完咗動作。影完之後就會顯示返你撳快門前嘅相畀你揀,方便你揀到最啱時機嗰一張。 |