{ SKIP }
文:MenClub Raphael  圖:互聯網
POSTED ON 12 May 2017

嗱嗱嗱,講明先,我不是飲大兩杯,突然中二病發,需知道MenClub仝人一向環保意識極高,愛惜環境先可以持續發展嘛。飲酒對環境造成影響這個議題,已經有好多學者、專家探討;如果講威士忌的話,不妨睇睇2007年英格蘭University Of Surrey寫嘅呢份Paper,題目係 《The Alcohol We Drink and Its Contribution to The UK'S Greenhouse Gas Emissions》,雖然研究限於英國國內的酒類活動,但我地都可以從中察見一些端倪。

風光明媚的 Islay Island

整份Paper百幾頁,巴打們秒秒鐘幾百萬上落,等我講幾個重點,慳返大家的時間吧。首先,如果將製造蘇格蘭威士忌的過程分成幾個階段,我們可以發現,消耗最多能源的是蒸餾的相關部份,緊隨其後的是種植穀物,還有發芽、製作酒樽等等。釀造威士忌,最花時間的部份在於陳年,大量威士忌置於橡木桶之中,少則3年,多則幾十年,相對而言,種麥、蒸餾只是短短時間,整體溫室氣體排放量並不算高。

威士忌的 Floor Malthing 舖地發芽

威士忌的橡木桶雖然涉及伐木工序,但由於完成品重用的機會較高,桶匠也愛精心修補陳年的木桶,故以現今的伐木量仍能維持可持續發展,對環境造成的破壞相對較低。

研究顯示,烈酒相關的溫室氣體排放,僅佔所有酒類的7.12%,放諸全英的溫室氣體排放量,也只佔0.1%;講蘇格蘭威士忌就更低,因為數上包括了入口的威士忌,而UK很多都飲本地Scotch。烈酒只佔百份之7,其他低酒精度的酒類自然「貢獻良多」,統計所得,頭號罪犯是啤酒,溫室氣體排放量最高!原因好簡單,啤酒最耗能源地方在於雪藏 (唔凍的啤,不如唔好飲),同樣道理,葡萄酒都需要極佳的溫度調控,加上Beer & Wine都需要入口,所以運輸部份耗能亦比較高。

香港飲酒,入口在所難免,運輸所造成的環境影響不能避免,但威士忌相對於啤酒、葡萄酒而言,雪櫃、酒櫃並非必需品,一般放在陰涼地方,避免陽光直接照射已經OK。如果你是個Whisky死忠,情願飲威都唔愛Beer or Wine,咁我真係恭喜你,你已經在不知不覺中,為保衛地球出了一份力!

Source : WhiskeyWash


歷史圖片上網見得多,今次終於見到真身啦
watchesandwine
【從1915走到1993】江詩丹頓 Collectionneurs 古董時計珍品展覽
17 Nov 2017
咁嘅樣都係腕錶機芯? 係,仲要超跑引擎級嘅最高工藝機芯!
watchesandwine
戴於腕上的超級跑車 — Parmigiani Bugatti Type 390
16 Nov 2017