{ SKIP }
文:MenClub Raphael  圖:互聯網
POSTED ON 12 Jul 2016

呢排人口統計又嚟,令我諗起上年美帝都做咗一個全國單身人口嘅地區統計。佢地個研究係以 18 至 64 歲嘅男女單身比例做對照,發現東岸大部份城市,例如紐約、費城、華府嘅單身女性,遠比男性多,不過以 18 – 34 歲呢個年齡層,就係全國係單身男人多啲。


講起呢件事係因為最近見到一個stat,計算咗唔同地區嘅男士、女士嘅受關注程度。於中環地區Hangout夜蒲嘅男、女,受歡迎嘅指數都係全港最高嘅,我相信呢點無庸置疑啦,蘭桂坊已經係國際化嘅夜蒲「性」地,全年齡層、全國籍嘅朋友,都係去嗰度飲酒,得票最高係實至名歸。


而數據顯示,女士們關注得最多男士嘅第2個地區係銅鑼灣,同中環相距約6%;而第3、4為灣仔同尖沙咀,只係低過中環約8%同9%,好正路。調轉睇,男士們心目中,女仔最好去中環,其次係尖沙咀、灣仔,最後先係銅鑼灣。


好似好正路喎,都係呢幾個地方啫,OK,吊詭嘅地方嚟啦,數字上睇,第2位嘅尖沙咀同中環已經差10%,第3位嘅灣仔差11%,而第4位嘅CWB竟然,有整整28%差距,亦即是話,男仔其實唔多鐘意蒲CWB嘅女仔 !!!


男士們,可唔可以解釋吓,點解去銅鑼灣嘅女仔係咁唔受歡迎? 但睇數據,啲女仔好鐘意大家去CWB喎,只係僅僅差過中環6%。今個weekend去邊度飲嘢好,各位Gents真係要諗清楚啦。

數據來源 : CLINK 夜生活社交網絡應用程式


鐘意 Gin Tonic 或者 Omakase 嘅巴打,真係要試試佢!
watchesandwine
【全港首見?】日式師傅發辦 Omakase 配搭多款頂級 Gin Tonic
22 Aug 2017
其實佢真名叫 Simon Baker,無論戲裡戲外,佢個 Style 都同 Longines 襯到爆!
watchesandwine
【好懷念】LONGINES 形象大使 Patrick Jane 任英聯邦運動會火炬手
22 Aug 2017